ഭാഷാപ്രവർത്തന ദിനം 2016

ശ്രീകണ്ഠേശ്വരം പത്മനാഭ പിള്ളയുടെ ജന്മദിനം 2013 മുതൽ മീനാങ്കൽ ഗവ. ട്രൈബൽ സ്കൂളിൽ ഭാഷാപ്രവർത്തന ദിനമായി ആചരിക്കുന്നു. ശബ്ദതാരാവലിയെ അടിസ്ഥാനമാക്കി അന്യഭാഷാപദ നിഘണ്ടു, നാട്ടുഭാഷാ നിഘണ്ടു, പ്രാദേശിക സ്ഥലനാമ ഡയറക്ടറി, ലിപി നിർമ്മാണ പ്രവർത്തനം തുടങ്ങി നിരവധി പ്രവർത്തനങ്ങൾ  കുട്ടികളുടെ പൻഹാളിത്തത്തിൽ നടത്തി. ശ്രീകണ്ഠേശ്വരം പത്മനാഭ പിള്ളയുടെ സ്മരണയ്ക്ക് അദ്ദേഹത്തിന്റെ ഏക സ്മാരകം സ്ഥിതി ചെയ്യുന്ന ശ്രീകണ്ഠേശ്വരത്തെ കുട്ടികളുടെ പാർക്കിൽ ഒരു ലൈബ്രറി സംവിധാനം കൂടി ഉൾക്കൊള്ളിക്കണമെന്നും  അദ്ദേഹത്തിന്റെ സ്മരണ നിലനിർത്തുന്നതിനായി കേരളത്തിലെ സർവകലാശാലകളിൽ ഭാഷാ പഠന വിഭാഗങ്ങൾക്ക് അദ്ദേഹത്തിന്റെ പേര് നൽകണമെന്നും സ്കൂൾ പാർലമെന്റിൽ പ്രമേയം അവതരിപ്പിച്ചു. അദ്ദേഹത്തിന്റെ ജന്മദിനമായ നവംബർ 27ന് ശ്രീകണ്ഠേശ്വരം കുട്ടികളുടെ പാർക്കിൽ സാംസ്കാരിക കൂട്ടായ്മ സംഘടിപ്പിച്ചു (2016). വിവിധ വർഷങ്ങളിലെ പ്രവർത്തനങ്ങൾ ഇവിടെ കാണാം

ഭാഷാപ്രവർത്തന ദിനം 2016

നമ്മുടെ സ്കൂൾ തിരുവനന്തപുരം ശ്രീകണ്ഠേശ്വരം പാർക്കിൽ നവംബർ 27 ഞായറാഴ്ച ശ്രീകണ്ഠേശ്വരം പത്മനാഭപിള്ളയുടെ ജന്മദിനം ഭാഷാപ്രവർത്തന ദിനമായി ആചരിച്ചു.

വാർത്ത മലയാള മനോരമയുടെ മെട്രോമനോരമയിൽ:

 

       മാതൃഭാഷയ്ക്ക് അമൂല്യ സംഭാവനകൾ നൽകിയ ശ്രീകണ്ഠേശ്വരം പത്മനാഭപിള്ളയുടെ ജന്മദിനം ആചരിക്കാൻ ആര്യനാടിനടുത്ത മീനാങ്കൽ ഗവ. ട്രൈബൽ ഹെസ്കൂളിലെ വിദ്യാർഥികൾ ശ്രീകണ്ഠേശ്വരത്തുള്ള പത്മനാഭപിള്ളയുെട പേരിലുള്ള കുട്ടികളുടെ പാർക്കിൽ ഒത്തുകൂടി.കഴിഞ്ഞ നാല് കൊല്ലമായി മീനാങ്കൽ ഗവ. ട്രൈബൽ ഹൈസ്കൂളിൽ ശ്രീകണ്ഠേശ്വരം പത്മനാഭപിള്ളയുടെ ജന്മദിനം പുതുമയോടെ ആചരിക്കുന്നു. ഇതര ഭാഷകളിൽ നിന്നു മലയാളത്തിലേക്കു കടന്നുവന്ന വാക്കുകളെ ശബ്ദതാരാവലിക്കുള്ളിൽ നിന്നു കണ്ടെടുത്ത് അന്യഭാഷാ നിഘണ്ടു തയാറാക്കി കൊണ്ടായിരുന്നു തുടക്കം. തുടർന്നുള്ള വർഷങ്ങളിൽ പ്രാദേശിക പദങ്ങൾ കണ്ടെത്തി നാട്ടുഭാഷാ ദിനവും പ്രാദേശിക സ്ഥലപ്പേരുകൾ ഉൾക്കൊള്ളുന്ന സ്ഥലനാമ ഡയറക്ടറിയും തയാറാക്കി. കഴിഞ്ഞ കൊല്ലം മലയാള ലിപിക്കു തുല്യമായ ലിപി കണ്ടെത്താനുള്ള പ്രവർത്തനം നടത്തി.ഇക്കുറി ദിനാചരണത്തിനു മുന്നോടിയായി സ്കൂൾ പാർലമെന്റിൽ രണ്ട് പ്രമേയങ്ങൾ അവതരിപ്പിച്ചു. ശ്രീകണ്ഠേശ്വരം പത്മനാഭപിള്ളയ്ക്ക് ഉചിതമായ സ്മാരകങ്ങളൊരുക്കണമെന്നായിരുന്നു പ്രമേയങ്ങളിലെ ഉള്ളടക്കം. കേരളത്തിലെ സർവകലാശാലകളിലെ ഭാഷാ പഠന വിഭാഗങ്ങൾക്ക് അദ്ദേഹത്തിന്റെ പേര് നൽകണമെന്നും തിരുവനന്തപുരം നഗരസഭയിൽ അദ്ദേഹത്തിന്റെ പേരിലുള്ള കുട്ടികളുടെ പാർക്കിൽ ഒരു ലൈബ്രറി സംവിധാനം തുടങ്ങണമെന്നുമായിരുന്നു രണ്ടാമത്തെ ആവശ്യം. .ജന്മദിനാചരണം ഡോ.ബി.ബാലചന്ദ്രൻ ഉദ്ഘാടനം ചെയ്തു. ശ്രീകണ്ഠേശ്വരം കയ്യെഴുത്ത് പതിപ്പ് ഗിരീഷ് പുലിയൂർ  പ്രകാശനം ചെയ്തു. സ്കൂൾ പാർലമെന്റ് പാസാക്കിയ പ്രമേയം സ്കൂൾ ലീഡർ കുമാരി ജെ.എസ്.ഖൻസ ശ്രീകണ്ഠേശ്വരത്തെ സദസ്സിനു മുന്നിൽ അവതരിപ്പിച്ചു. എ.കെ.ഗോപീദാസ്, പ്രശാന്ത് മിത്രൻ, വിജയൻ, ഹെഡ്മിസ്ട്രസ് കെ.എസ്.ജയശ്രീ എന്നിവർ പ്രസംഗിച്ചു. ശ്രീകണ്ഠേശ്വരം കൗൺസിലർ മായാരാജേന്ദ്രൻ , പി.മായ, ഇ.രജനി, ജെ.അഞ്ജു, സോണിയ സ്റ്റാൻലിൻ റോസ്, എൻ.ആർ.രാജീവ് തുടങ്ങിയ അധ്യാപകർ നേതൃത്വം നൽകി.

5/201617

ആഗോളതാപനം ചർച്ച

പ്രതിവാര ചർച്ചാവേദിയുടെ ഈ ആഴ്ചത്തെ ചർച്ച ഒരു പുസ്തകത്തെ അടിസ്ഥാനമാക്കിയായിരുന്നു. പി. കെ. സുധിയുടെ 'ആഗോളതാപനം പൊരുളും ആക്ടിവിറ്റിയും' എന്ന പുസ്തകം ചർച്ച ചെയ്തു.

3/201617

2/201617

1/201617